LAOAG CITY – Plano ti House prosecution panel a mangisayangkat ti regular press briefing no aggarawen ti impeachment trial kontra ken ni VP Sara Duterte.
Segun ken ni Zia Alonto Adiong, agdama nga ad-adalen dagiti prosecutor ti panangisayangkat daytoy, kas paset ti information campaign tapno lawlawagan ti publiko mainaig kadagiti mapaspasamak iti panangusig.
Gagem pay ti panel a lappedan ti aniaman a pannangiyaw-awan kadagiti legal a saritaan kangrunaan iti buo a proseso.
Iti agdama, ad-adalen ti panel ti eksakto a format dagiti maisayangkat a briefing no sadinno a kayat dagiti prosecutor ti makaipaay ti update, pannakalawlawag dagiti proseso, projection ken nagduduma pay.House prosecution panel, planoda nga mangisayangkat ti regular briefing iti impeachment trial kontra ken ni VP Sara.
