LAOAG CITY – Nagkari ti House Prosecution panel iti ad-ado ken natibtibker nga ebidensiya kontra ken ni Vice President Sara Duterte.
Segun ken ni Panel member Rep. Ysabel Maria Zamora, agpapada a paraman paylaeng dagiti rimuar nga ebidensiya kontra iti bise presidente.
Kuna na nga ad-ado pay nga ebidensiya ti iparuk-at ti panel apaman a mangrugi ti impeachment trial.
Immunan a nabukel ti prosecution team a pakairamanan ti 11 a beterana nga agpanpanday linteg nga agpapada nga abogado.
Segun ken ni Zamora, agsagsaganan ti panel ken pagbibingayan ti kada miembro ti iggaman da nga isyu ken partikular a kaso kontra iti bise presidente.
Para iti agpanpanday linteg, possible a maysa kadagiti iggaman na ket ti ‘grave threat’ issue wenno ti panagpangta ni Vice President Duterte iti biag da Presidente Ferdinand Marcos, First Lady Liza Marcos, ken dati nga House Speaker Martin Romualdez.
Inpetteng ni Zamora nga ado pay nga ebidensiya ti agur-uray a malukatan ken maipakita iti publiko kas panangsuporta iti kada alegasyon kontra iti bise presidente.
