LAOAG CITY – Binigbig ni Vice Governor Cecilia Araneta-Marcos ti kinatapateg dagiti aramid dagiti balud iti Ilocos Norte Provincial Jail (INPJ) ditoy probinsya.
Inaramid daytoy ti bise gobernador kabayatan ti pormal a panaglukat ti Household Compositing ken Seminar iti Home Gardening a naisayangkat a mismo iti Ilocos Norte Provincial Jail.
Daytoy ket paset ti ipatpatungpal a programa ni Governor Matthew Marcos-Manotoc a “Narimat nga Aglawlaw” a gagem na a masalwadan ti aglawlaw.
Immunan nga inbaga ni Mrs. Estrella Sacro, ti mangidadaulo iti Environment and Natural Resources Office (ENRO) a ti kinadisiplina ken panangilala iti aglawlaw ket tulbek para iti pannakapasayaat ti masakbayan ti sumaruno nga henerasyon.
Kalpasan ti pormal a panaglukat ti Household Compositing ken Seminar iti Home Gardening iti INPJ ket adaptaren met dagiti nagduduma a pangopisinaan iti kapitolyo probinsyal.
Ita nga aldaw ket maipaima kadagiti nagduduma a pangopisinaan ti kapitolyo probinsyal dagiti composting kits nga inaramid dagiti balud iti INPJ tapno isu ti usaren da.
Ti composting kits ket isu ti pakaurnungan dagiti agrupsa a basura iti kada opisina ken kolektaren ti 4H club no sadinno nga ipan da dagitoy iti Barangay Cabungaan ditoy ciudad ti Laoag nga isu ti ayan ti composting bed nga imanmanihir ti ENRO.
