LAOAG CITY – Paigetan ti Highway Patrol Group ditoy probinsya ti pannakasita dagiti anyaman a behikulo a dumaldalyasat nangruna dagiti awanan ti plate number ken dagiti karkarna a plate number.
Daytoy ti inbatad ni Police Major Rufino Noog, mangidadaulo ti HPG ditoy probinsya.
Inbunannag ni Noog nga adu manen dagiti lugan nga agdalyasat ditoy probinsya gapu ita nga hloday season.
Inbalakad na a nasken nga addaan iti plate number dagiti lugan uray iti temporaryo ngem nasken nga addaan met iti papeles wenno pammalubos.
Innayon ni Noog a dagus a maiyimpound dagiti masita a lugan nangruna no nagsalungasing da iti paglintegan.
