LAOAG CITY – Inpakaammo ni Police Colonel Frederick Obar, ti Provincial Director iti Ilocos Norte Police Provincial Office nga human error ti kangrunaan a rason kadagiti mapaspasamak a desgrasia ditoy probinsia.
Segun kenkuana, maibasar kadagiti imbestigasion dagiti pulis ket adda dagiti sumagmamano nga ag-overtake a motorista iti alangen a gundaway a mangitunda ti panagdinnungpar dagitoy.
Inbatadna a basar iti nagbalin a duktalda ket rumrummuar nga adda dagiti sumagmamano a motorista a kurangda iti disiplina iti panangiturong iti luganda.
Inlawlawagna nga addan ti naiget a pammilinna kadagiti Hepe kadagiti nagduduma a kuerpo ti pulisia ditoy probinsia a nasken nga adda ti presensia dagiti kapulisan iti sakupenda a lugar.
Innayonna ti maminsan manen a panangpalagip kadagiti amin a motorista nangruna kadagiti dumaldalysat iti national highway nga agbalin a responsable a drayber.
