LAOAG CITY – Inawagan ni United States Presidential Son Hunter Biden a nadismaya ti nagbalin a desision ti Korte kenkuana.
Daytoy ti nagbalin a reaksion ni Biden kalpasan a napaneknekan ti federal jury nga isuna ket guilty iti tallo a federal felony gun charges.
Rumrummuar a naglabsing iti linteg no apay a nakaala dagiti paltog iti baet nga adda ti addictions daytoy iti iligal a droga.
Nagyaman daytoy gapu iti panagkadua ti pamiliana a sumupsuporta kenkuana.
Iti biang met ni United States President Joe Biden a nupay isuna ti Presidente ket saanna a maikkat ti panagbalin kas maysa nga ama.
Suportaranna kaduana ti asawana a ni Jil iti aniaman a sangsangoen ti anakna.
Nupay Presidente daytoy ti Estados Unidos ket resrespetarenna ti aniaman nga ibagbaga ti linteg.
Naammoan a dagiti kaso a two counts ti panagulbod daytoy iti federal background check form nga agus-usar isuna ti iligal a droga ken ti third count ket ti panagtagikua na paltog kabayatan nga addicted wenno agus-usar ti iligal a droga a maikanniwas iti paglintegan.
Ti nasao a decision ket umuna a napasamak iti pakasaritaan ti Estados Unidos a ti immediate family member ti maysa a Presidente ti napaneknekan a guilty iti kaso.
Kabayatanna, maibasa ti nasao a decision kalpasan ti 120 nga aldaw no sadino maibalud daytoy ti 25 a tawen ken agbayad agingga iti $750,000.
