LAOAG CITY – Inpakaammo ni Father Ronnie Pillos iti Parish Pastoral Council for Responsible Voting (PPCRV) ditoy ciudad ti Laoag a pormal a mai-launch ti programa ti Simbaan Katolika nga addaan ti tema nga ‘I Vote Good’ intono sabado, Abril 6 ita a tawen.
Inbatad na a ti nasao a programa ket idaulwan ni Bishop Renato Mayugba iti Diocese of Laoag.
Segun ken ni Pillos, kalpasan ti pannakai-launch ti nasao a programa ket addanto maiyuswat a motorcade iti intero a probinsya mangrugi iti oras iti alas-2;30 iti malem.
Kunana nga iti maiyuswat a motorcade ket addan dagiti ibunong da a fliers a nakaipalaunan dagiti mabalin nga aramiden dagiti botante tapno makapanunot da a naimbag no siasinno ti rebbengna nga ibotos da intono May 13 midterm elections.
Innayon na a daytoy ti kangrunaan a gagem ti programa ti simbaan nga ‘I vote Good’.
