LAOAG CITY – Mamati ni Ilocos Norte 1st District Rep. Rodolfo Fariñas a kabaelan ni Senior Board Member Matthew Marcos Manotoc nga aramiden ti responsibilidad na kas gobernador ditoy Ilocos Norte.
Inbatad ni Fariñas a nasuruk a 10 a tawen na a gobernador ditoy probinsya ken 24/7 ti duty ti maysa a gobernador.
Nupay kasta, inbatad ni Fariñas nga agtalek iti kabaelan ni Manotoc ken ti laeng mensahe na kenkuana ket ‘I wish him the best’.
Immuna ti daytoy, ado dagiti nakigtot iti panangi-withraw ti kongresista ti kandidatura kas gobernador ditoy probinsya.
Inlawlawag ni Fariñas a kayat nan ti aginana iti politika tapno maipamaysa na dagiti negosyo da ken enjoyen na ti panagbiag na kas pribado nga umili.
