LAOAG CITY – Inaprobaran ti International Criminal Court ti kiddaw ti kampo ni dati a Presidente Rodrigo Duterte nga isuspenso ti desision ti tribunal iti kiddaw ti interim release agingga kadagiti defense lawyers tapno maukkon dagiti amin a kasapulan a dokumento.
Iti nairuar a majority decision, ti Pre-Trial Chamber 1, itantanda ti pannakaiparuk-at ti desision nga adda ti pakainaiganna iti interim release agingga a makita ti Chamber a naurnos aminen.
Nakailanad iti desision a kinontra ni Judge María del Socorro Flores Liera ti ruling nga immuna nga inparuk-at da Judge Iulia Antoanella Motoc ken Judge Reine Adélaïde Sophie Alapini-Gansou.
Basar iti Tribunal a ti interim release proceedings a nakailanad iti article 60 (2) ti Rome Statue a dagiti indibidual nga addaan ti warrant of arrest ket addaan ti karebbengan nga agkiddaw ti interim release.
Immunan nga immapela ti abugado ni Duterte a ni Atty. Nicolas Kaufman idi Hulio 14, 2025 a ti Pre-Trial Chamber ket nasken a saan a bigbigen ti interim release agingga kadagiti amin a dokumento a kasapulanda a maala.
Maipalagip nga idi Hunio idi kiniddaw ti kampo ni Duterte iti International Criminal Court ti interim release iti saanen a dinakamat pay a pagilian.
