LAOAG CITY – Addan iti natalged a kasasaad ti Iceland malaksid iti ili ti Grindavik no sadinno a kaaduan a residential area idiay ket naapektaran.
Daytoy ti impasimudaag ni Bombo International News Correspondent idiay Iceland a ni Ms. Mildred Manuel Vidarson.
Segun ken ni Vidarson, sakbay pay a bimtak ti bulkan idi Nobiembre no sadinno a nangrugi ti panaggined ket naibakwiten dagiti residente idiay Grindavik gapu ta adda dagiti nagbirri a dalan ken balbalay.
Malaksid pay kadagiti balbalay ket adda pay dagiti nadadael a pagtaengan ken nagduduma nga establishamento, a nangitunda ti saan a panagoperar ti sumagmamano tourist spots, ken pasdek negosyo, pakairamanan ti panangsuspende ti klase ken trabaho iti ili ti Grindavik.
Kunana nga agdagop ti 300 a pamilya ti naibakwit, ken adda met ti umdas nga evacuation center iti nadakamat a pagilyan.
Impakaammo na nga awan ti nairekord a nasugatan wenno casualities gapu ta dagus met a naibakwit dagiti residente sakbay pay a napasamak ti volcanic eruption.
Innayonna a pati dagiti taraken da ket natalged, malaksid laeng ti maysa a trabahador a natinnag iti maysa nga abot, no sadinno a saanen a nasapolan pay dagiti rescuers.
Iti agdama ket awan metten dagiti aftershocks a gingined malaksid laeng ti nadakamat bulkan no sadinno nga aktibo pay laeng ngem saanen a kas iti damo.
Kunana nga apaman a nangrugi ti panagginginned ket impasigurado ti gobyerno ti Iceland ti suportada kadagiti residente nagruna ti maipapan iti panggedan dagiti maapektaran ken ti housing programda.
Mainaig iti daytoy impakaammo na napakaammoan da a naimbag ken napintas ti information dissemination iti lugar da.
Kabayatanna, kinumpirmaran ni Vidarson nga awan dagiti Pilipino a naapekatar iti panagbettak ti bulkan.
