LAOAG CITY – Naipinalen ti Independent Commission for Infrastructure (ICI) ken dagiti 16 a government agencies ti framework ti panangrekobre iti assets nga iligal a naala babaen iti pondo ti flood control.
Kalpasan ti closed doors meeting idi kalman, addan ti nabukel a framework ti ICI ken dagiti ahensya ti gobierno para iti inter-agency coordination, information sharing ken legal procedures kageddan ti panangrugi dan iti proseso para iti pannakaala ti assets dagiti officials ken contractors a konektado iti flood control scam.
Natratar pay iti operational guidelines para iti pannakaiyuswat ti national asset recovery ken accountability initiatives.
Segun kenni ICI chairman Andres Reyes Jr. nga ammo na nga iti kada piso a natakaw ket dakkel a pukw iti serbisyo para kadagiti tattao isut gapo na a napateg ti pannakaisubli amin dagitoy.
Inbatad pay ni Reyes kadagiti miembro ti technical working group a dakkel ti akem da iti proseso nangruna ket kritikal ti mandato ti independent body.
