LAOAG CITY – Pormalen a nangrugi ita nga aldaw ti imbestigasyon ti Independent Commission for Infrastructure (ICI) iti maipagarop nga iregularidad iti flood control projects.
Daytoy ket kageddan iti ummuna nga hearing ti komisyon nga indaulwan ni retired Supreme Court Associate Justice Andres Reyes Jr.
Nabilin ti komisyon a mangtingiting kadagiti naireport nga anomalya ken saan a nasayaat ti pannakaimplementar na a flood control projects iti intero a pagilyan.
Ummunan a kinumpirmaran ni Senate President Tito Sotto a ni dati a Bulacan 1st district assistant engineer Brice Hernandez, a nakabalod iti Senado kalpasan ana-contempt kabayatan ti Blue Ribbon committee hearing, ket maipresentar met iti Independent Commission for Infrastructure.
Inbatad na a pinirmaan na ti mandar a mangipalubos kenni Hernandez a sumango iti komisyon.
Kunana pay a nangiysu ti Independent Commission for Infrastructure ti subpoena duces tecum ken subpoena testificandum para iti dati a Department of Public Works and Highways engineer.
Iti dua a subpoenas, masapol nga agatendar ni Hernandez iti hearing ti komisyon ken itugot na dagiti amin a dokumento, rekord ken iggem na nga ebidensya.
Karaman pay kadagiti witnesses ket ni dati a Public Works and Highways Secretary Manuel Bonoan.
