LAOAG CITY – Inadmitir ti Independent Commission for Infrastructure (ICI) nga adda ti dakkel nga epekto iti trabahoda ti kinakurang dagiti Commissioners.
Inbatad ni Independent Commission for Infrastructure special advisers Rodolfo Azurin Jr. a gapu iti nasao a problema ket saanda pay laeng a makapag-endorso kadagiti nasken a makasoan iti im-imbestigaranda nga anomalya iti flood control projects.
Iti agdama, nagtalinaed ni Independent Commission for Infrastructure Chairperson Andres Reyes Jr. ti nabatbati a Commissioner ti nasao a komision.
Maipalagip a nagikkat iti puestoda ni dati a Commissioner Rogelio Singson ken Rosanna Fajardo gapu kadagiti nagduduma a rason.
