LAOAG CITY – Sinungbatan ti Independent Commission for Infrastructure (ICI) iti agsasaruno a pannakaipadalan iti executive session kadagiti kongresista a sumangsango iti panagdengngeg.
Daytoy ket imbes nga iti livestreaming mainaig iti pannakairamanda iti maanomalya a flood control projects.
Inbatad ni Independent Commission for Infrastructure Executive Director Atty. Brian Hosaka, amin a rason dagiti resource persons-da ket kualipikado kadagiti pagannurotanda para iti executive session.
Kunana a karaman ditoy ti seguridad ti pamilia ken ti linaon ti impormasion nga ibutaktakda.
Naammoan a karaman kadagiti nagatendar iti executive session ket isuda Quezon City Representatives Ma. Victoria “Marivic” Co-Pilar ken Patrick Michael “PM” Vargas.
