LAOAG CITY – Inrakurak ni Senadora Imee Marcos a saan a panaglabsing ti separation of powers iti nagbaetan ti simbaan ken ti estado ti maiwaywayat a “national rally for peace” ti Iglesia Ni Cristo.
Mamati ni Marcos a saan a maipawil ti panangiwayat iti nasao a klase ti rally.
Inbatadna nga iti kinapudnona, ti rally ket magutgutigot pay ti press freedom a naipalaon iti Konstitusion.
Mamati ti liderato ti Senado a non-debatable ti maiwaywayat a rally ti Iglesia Ni Cristo.
Kinanunongan ni Senate President Francis “Chiz” Escudero ti kalikagum iti nasao nga event ken gagem daytoy ti kaadduan nga agkaykaysa dagiti amin a lider ditoy pagilian.
Para ken ni Escudero, saan a napateg a solbaren dagiti isyu a gagem a liklikan ti panawagan para iti kinakappia ken panagkaykaysa ditoy pagilian ita a panawen.
Kabayatanna, inpetteng met ni Senate Majority Leader Francis Tolentino a ti panagatendar iti event ket saan a gapu iti pulitika no di ket para iti panagkaykaysa ditoy pagilian.
Immunan nga inbatad ti Iglesia Ni Cristo a ti rally ket panangipakita ti suporta iti pananglapped ni Presidente Ferdinand Marcos Jr. iti impeachment kontra ken ni Vice President Sara Duterte.
