BOMBO LAOAG – Inpasingked ni Police Supt. Mar Louie Bundoc, hepe ti PNP Laoag ti naiget a panangsiput da kadagiti agsusugal ditoy siudad ti Laoag.
Daytoy ket mainaig iti naiget a kampanya ti PNP kontra iti illegal a panagsusugal.
Inbatad na a daytoy ti maysa a rason iti panagririri dagiti tattao uray agkakabagyan isut gapuna a nasken a maisardeng daytoy tapno awan dagiti rumsua a panagdidinnangran dagiti maseknan kangrunaan iti minatay.
Nagpanawagan ni Bundoc iti publiko nga ipakaammo laeng iti PNP no adda dagiti masalamaan wenno makita nga agsusugal iti lugar da.
