LAOAG CITY – Sumagmamano a paputok ti nakumpiskar ditoy ciudad ti Laoag.
Daytoy ket kalpasan ti panaginspeksyon iti baba ti Gilbert bridge dagiti kameng ti PNP-Laoag pakairamanan dagiti miembro ti Regional Civil Security Unit 1 iti panangidaulo ni PSUPT THEODORE A PEREZ, Assistant RCSU 1, personnel manipod iti POPB, BFP ken CDRRMC babaen ti panangidaulo ni Dr Melvin Manuel, ti mangidadaulo iti BPLO ditoy ciudad.
Naamoan a kabayatan ti inspeksyon ket adda dagiti nakumpiskar dagiti maseknan a sumagmamano a paputok wenno pyrotechnics nga awan ti label na.
Naikabil amin dagiti nakumpiskar a banag iti PNP-Laoag ken dadaelen da dagitoy intono January 3, 2019.
