LAOAG CITY – Agtalinaed ti Ilocos Norte iti babaen ti status quo wenno agtultuloy a maipatungpal dagiti guidelines iti Enhanced Community Quarantine (ECQ).
Daytoy ti deklarasyon ni Governor Matthew Marcos Manotoc kabayatan ti naiyuswat a press conference iti kapitolyo probinsyal.
Segun kenni Manotoc, maipatungpal ti ECQ guidelines agingga nga awan ti sungbat ti Regional Inter-Agency Task Force iti kiddaw ti gobierno probinsyal a modified General Community Quarantine.
Inbatad ti gobernador a ti kangrunaan a prayoridad na ket ti salun-at ken kinatalged dagiti kaprobinsyaan.
Inlawlawag na a ti kangrunaan a gagem na ket maliklikan ti “second wave” ti Covid-19 rason nga adda iti status quo ti probinsya.
Kuna ni Manotoc nga a kas iti Ilocos Norte ket nagsurat met ti gobierno ti La Union ken Ilocos Sur iti Regional IATF para iti modified GCQ.
Mainaig iti daytoy, nagpadespensar ni Manotoc gapo ta uray inbilang ti gobyerno national a GCQ ti Ilocos Norte ket kiniddaw na a maituloy ti ECQ gapo ta patyen na a pagsayaatan ti kaprobinsyaan daytoy.
Kabayatanna, kuna ni Manotoc a no mabalin ket agtalinaed latta dagiti kaprobinsyaan kadagiti ayan da iti agdama a lugar ngem no saan da a kabaelan ket welcome ditoy Ilocos Norte ngem masapol a dumalan da iti quarantine procedures.
Innayon na nga ado a tattao ti mangayat nga agtalinaed nga ECQ ditoy probinsya.
