LAOAG CITY – Dakkel ti nagbalin a kontribusyon ti Ilocos Norte iti kaadu dagiti gangannaet a turista nga immay nagpasiar ditoy Pilipinas itay napalabas a tawen 2018.
Segun ken ni Mr. Xavier Ruiz ti Provincial Tourism Office nupay kaaddoan nga immay ditoy probinsia ket “local” a turista adu met dagiti immay a gangannaet kangrunaanna kadagiti chinese wenno intsik.
Impalgakna nga adda met dagiti nagsangpet a sumagmamano nga amerikano, europeano ken koreano.
Nupay kasta, mangnamnama ni Ruiz nga agtultuloy ti iyaadu dagiti Europeans gapu iti kite surfing ken dadduma pay a “water sports” a maididiaya ditoy probinsia.
Maipalagip a puntiria ti Sang. Panlalawigan nga ad-adda pay a mapapigsa ti “water sports” ditoy Ilocos Norte.
Kalikagum na a maysa daytoy kadagiti mainayon a daywen dagiti gangannaet a turista ditoy probinsia.
Mainaig iti daytoy, impasingked ni Ruiz nga addan dagiti maisaysayangkat nga addang para iti naig-iget a pannakaitandudu ti “water sports” iti bukud a lugar.
