LAOAG CITY – Inabak ti division ti Ilocos Norte babaen iti Saoit Elementary School idiay ili ti Burgos, ti La Union division iti biang ti sepak takraw iti iskor a 2-0 a naiyuswat itay bigat iti Marcos Stadium.
Segun kenni Mr. Loreto Rabagot, ti head coach ti sepak takraw team, maragsakan gapo ta iti ummuna a laban da ket nangabak da
Kunana a naiget ti panagsagana da sakbay ti laban da itay bigat.
Inlawlawag na nga inkarigatan ti grupo na a managabak iti ummuna a laban tapno agamak dagiti sumaruno a makasango da
Inbatad na a kanayun na nga ibagbaga iti grupo na nga ipakita da amin ti kabaelan da para iti balligi da iti sumarsaruno pay a laban ti grupo.
Kalikagom ti nasao a grupo a madependaran ti kina-kampeonato da iti R1AA ken iti Palarong Pambansa itay napan a tawen.
