LAOAG CITY – Awanen ti kaso ti African Swine Fever (ASF) virus ditoy Ilocos Norte.
Segun ken ni Gobernador Matthew Marcos Manotoc, dagiti laengen dokumento manipod iti ili ti Bangui ti maiyur-uray tapno pormal a maideklara kas ASF free ditoy probinsya.
Inbatad ni Manotoc nga apaman a maideklarar kas ASF free ditoy probinsya.
Nupay kasta, kuna ti gobernador a ti problema ket ado dagiti sapulen a dokumento wenno requirements ti Department of Agriculture (DA) para iti panag-repopulate isut gapuna a mamati ni Manotoc a marigatan dagiti smaller growers.
Gapu iti daytoy, inpakaammo ni Manotoc a nagsarita da iti Provincial veterinarian a ni Doctor Loida Valenzuela para iti panangipaay da ti programa a makatulong para kadagiti babassit nga agtaraken ti baboy.
Innayon na a mabalin a maipaayan ti subsidy dagiti maseknan ken no saandan a kayat wenno kabaelan ti agtaraken ti baboy ket baliwan da laengen ti dingwen a taraknen da.
