Kalikagom ti gobierno probinsial nga agbalin a nadalos dagiti lugar a pagtaraknan kadagiti baboy.
Daytoy ket babaen ti pannakairaman iti probisyon para iti panangamendar ti Sang Panlalawigan iti sanitary code ditoy probinsya.
Inbatad ni Dr. Medeldorf Gaoat, ti chairman ti Committee on Health ditoy probinsya, a masapol nga adda ti maaramid a bukod septic tank ken adayo kadagiti pagtaengan dagiti pagtaraknan ti baboy.
Maipalagip nga adon dagiti naparnuay a reklamo maipanggep iti saan a makaay-ayo nga angot manipod kadagiti dadduma a pagtaraknan ti baboy, no sadinno a sumagmamano kadagitoy ket naidanun payen ditoy Bombo Radyo Laoag.
Innayon ni Dr. Gaoat a ti nabangsit nga angot ket mangitunda pay ti sakit kas ti asthma ken dadduma pay isut gapuna a rumbeng laeng a masolusyonan.
