LAOAG CITY – Adda ti inorder ti gobierno probinsyal a bakuna kontra iti covid-19 manipud iti Astrazeneca a manamnama a sumangpet iti second half ita a tawen wenno Hulyo agingga iti Disyembre.
Daytoy ti inrakurak ni Gov. Matthew Marcos Manotoc kabayatan ti press breifing na itay laeng aldaw.
Umabot iti 120 a ribo a doses ti bakuna para kadagiti 60 a ribo a tattao ditoy probinsya wenno 10 a porsyento manipud iti populasyon ti Ilocos Norte.
Inbatad na ti maiprayoridad a mabakunaan ket dagiti frontliners kas kadagiti health workers, dagiti senior citizens, indigents kas basar iti guidelines ti DOH a dagitoy ti mangipangpagruna a mabakunaan.
Kunana a napili ti gobierno probinsyal ti bakuna manipud iti Astrazenica gapo ta nalaklaka no ikumpara iti Pfizer ken Moderna.
