LAOAG CITY – Naideklara a bird flu free ti probinsia ngem kasapulan a mapagtalinaed daytoy.
Segun kenni Dr. Loida Valenzuela, Provincial Veterinarian, iti agdama ket awan ti agwarwaras a virus wenno bird flu ditoy probinsia ngem kasapulan latta nga agtultuloy ti surveillance dagitoy.
Mainaig iti daytoy, manarimaan ti blood sampling da kadagiti nagduduma a lugar ditoy probinsia tapno masiguro a natalged dagiti taraken a manok, pato ken dadduma pay.
Maipalagip a nagwaras ti virus kalpasan nga adda dagiti inbunong ti Department of Agriculture a manok nga isu ti mapapati a nangrugyanan ti bird flu.
Inadmitir ni Valenzuela a narigatan da a nangkontrol iti daytoy ngem babaen met laeng iti panagtitinnulong dagiti maseknan nga ahensia ket naideklara a bird flu-free ti probinsia.
Kabayatanna, no maipanggep met kadagiti migratory birds ket agtultuloy ti monitoring ti Provincial Veterinary Office gapo ta adda ti ruta a sursuruten da dagitoy, a mabalin a carrier iti nasao a virus.
