LAOAG CITY – Inpasingked ni Governor Matthew Marcos Manotoc a saan a mabalin a mailockdown ti probinsya nga Ilocos Norte.
Daytoy ti rakurak na iti naiyuswat a press briefing iti sango iti kapitolyo probinsyal.
Inbatad na a masapol nga aggunay ti ekonomiya ken agtultuloy ti operasyon dagiti pasdek negosyo.
Kuna na nga iligal ti panangipasardeng kadagiti cargos a sumrek ditoy probinsya ken dagiti APOR.
Inlawlawag na a masapol a kitaen nga umuna nu sadino a naggapwan ti virus agsipod ta saan met a naggapo daytoy kadagiti turista wenno sumsumrek nga APOR.
Inbatad ti gobernador a kangrunaan a maapapektaran ti virus ket dagiti returning residents.
Mainaig iti daytoy, inpakaamo na a mapaigetan ti monitoring iti border checkpoint tapno masigurado ti kinatalged dagiti residente ditoy probinsya.
