LAOAG CITY – Burburtiya iti caretaker ti maysa a Black Nazarene a kukua iti pamilya Jacinto gapu ti maipagarup a panagarubus ti dara manipud iti ulo na.
Segun kenni Mrs. Mercedita Jose, ti caretaker ti balack nazarene a nabayagen a daldalusan na ti imahen ni Nazareno ken awan dagiti anyaman a nakita na a mantsa iti rupa ti imahen .
Nupay kasta, Nakigtot ni Jose kalpasan a nakita nga adda iti agar-arubus a dara iti rupa na.
Gapu iti daytoy, nagkararag a dagus ken nagsangsangit, ken ibilang na a milagro daytoy .
Inpakaammo a dagus ni Jose ti napasamak iti akin kukua ti imahen a ni Mrs. Minda Jacinto nga adda iti agdama idiay Australia.
Innayon ni Jose a saan na pay a naipakita ti nasao nga imahen kadagiti eksperto ken simbaan gapu ta iti laeng akin kukua iti makadesisyon no anya ti rumbeng a maaramid.
