LAOAG CITY – Agtultuloy ti imbestigasyon ti PNP San Nicolas seknan iti natakaw a baboy a taraken ni Dante Dela Cruz, agtawen ti 48, awanan asawa, negosyante ken residente iti Bgy. 18, San Pedro iti nasao nga ili.
Basar ti report nga inpadanon ni Brgy. Kagawad Ricardo Guillermo ti nasao a barangay iti PNP, bigat ti Marso 30 idi nadlaw ni DelaCruz nga awanen ti taraken na a baboy nga agbalor ti nasurok 3,500 a pisos.
Iti panagsukisok ti PNP, nakakita da ti dara iti uneg ti kulungan ti baboy a mapapati ma rinoknok dagiti nangitaray.
Nakakita dagiti imbestigador ti lamma ti dapan iti uneg ti kulungan ti natakaw a baboy nga agatiddog ti 9 a pulgada isu nga inalaan da ti ladawan.
Rumrumuar nga idi Pebrero 2, 2018 ket natakawan manen ni Dela Cruz ti baboy ngem iti uneg laeng ti barangay ti nakaipakaamuan na.
