LAOAG CITY – Natay ti maysa a lalaki kalpasan ti panagbekkel na iti ili ti Piddig.
Ti biktima ket agtawen ti 38, maysa a construction worker ken residente iti nadakamat nga ili.
Basar iti impormasyon dagiti otoridad, idi bigat kalman ket nakita a mismo ti asawa ti biktima a nakabitin daytoy iti kusina ti pataengan da.
Iti naun-uneg nga imbestigasyon ti PNP-Piddig, iti rabii sakbay ti insidente, nagriri dagiti agasawa hapo iti maipagarop nga imon no sadinno ket inarmaran ti biktima ti asawa na ti buneng ken adda daytoy iti impluwensya ti nasanger.
Gapo iti daytoy, napan ti babai iti family house da, lima a metro manipud iti pagtaengan da, tapno saanen nga agramram ti saan da a panagkinnaawatan.
Nupay kasta, idi agsubli iti kabiitan na ket nakita nan a nakibitin ti asawa na ken awanen ti biag na.
Awan met ti nakita ti PNP a foul play iti panagpakamatay ti biktima.
