LAOAG CITY – Desisyunan ti Constitutional Court ti impeachment ni South Korean President Yoon Suk-yeol intono Biyernes, Abril 4 ita a tawen.
Daytoy ket sumagmamano a bolan kalpasan a nasuspenso gapu iti panangideklarar na ti apagbiit a martial law idi Disyembre 2024.
Sakbay iti daytoy, maipalagip a sumagmamano nga impeachment hearings ti iniyuswat iti korte tapno maestablisar no opisyal nga ikkatenen iti pwesto ni Yoon.
Iti baet a mabalin nga agdesisyon ti Constitutional Court agingga iti Hunyo, naipagagangay nga agpaot laeng ti sumagmamano a lawas ti panangisyu ti korte ti rulings iti napalabas a presidential impeachment cases.
Nupa kasta, iti kaso ni Yoon ket nabaybayag ti panangiparuk-at ti ruling ngem ti ninamnama.
Tapno maikkat iti pwesto ni Yoon ket kasapulan nga agbotos ti 8 a justices pabor iti daytoy, ken no agdesisyon ti Constitutional Court a pormal nga ikkaten iti pwesto ni Yoon, mangitunda daytoy iti panangiyuswat ti eleksyon iti uneg ti 60 nga aldaw.
