LAOAG CITY – Bwineltaan ni House Prosecutor Terry Ridon ti immuna a pasagid ti defense team ni Vice President Sara Duterte a mangnamnama laeng dagiti agpanpanday linteg a miembro ti prosecution panel kadagiti private lawyer para iti kaso kontra iti bise presidente.
Namonganay daytoy iti rakurak ti defense team a maibaybayad ti pre-trial conference a nangrugi pay iti napalabas a lawas.
Segun ken ni Defense member Atty. Mark Vinluan, agat-atendar laeng dagiti public prosecutor ngem iti saan nga agbayag ket pumanaw da met laeng ken ibatbati da ti trabho da kadagiti private prosecutor.
Inpetteng ni Ridon nga aktibo a makipaspaset dagiti public prosecutor iti conference ken iti amin a proseso a kasapulan tapno iti kabiitan a panawen ket malpasen ti pre-trial conference ken naan-anayen a mangrugi ti trial.
