LAOAG CITY – Posible nga agingga laeng ti Hunyo wenno Hulyo ti pakaanayan ti maaramid a plaka babaen iti central office ti Land Transportation Office.
Daytoy ti inpakaammo ni Mrs. Judy Sabas, ti mangidadaulo iti Land Transportation Office ditoy ciudad ti Laoag.
Inbatad ni Sabas ti kangrunaan a rason iti panagkurang ti maaramid a plaka ket ti maib-ibusen a materyales a mausar.
Immuna iti daytoy, inpakaammo na ti laeng akem ti opisina da ket ti panagibunong ti plate number wenno replacement plate kadagiti motorista
Kuna na a nu maipapan iti panag-manufacture iti plaka ket ti Land Transportation Office central office ti paggapoan na gapu ta isu ti pakaaramidan na.
Kabayatanna, inlawlawag ni Sabas a dagiti maapektaran a motorista iti panagala ti plaka ket maipaayan da iti authorization letter to use improvise plate nu sadino a daytoy ti mangipalubos iti panagaramid ti bukod nga improvised plate.
Naamoan a basar iti memorandum order a naggapo iti Department or Transportation ket maipaima iti daytoy dagiti proyekto nga agbalor ti 50 milyon a pisos agpangato.
Idi laeng Abril 24 ket naibus metten ti plastic card para iti drivers’ license.
