LAOAG CITY – Inlawlawag ni Barangay Kagawad Joyben Sison iti Barangay 6, San Agustin ditoy ciudad ti Laoag a datin nga adda ti sagsagabaen a sakit ti pimmusay a ni IN-C2008.
Ni IN-C2008 ket maysa a lalaki, agtawen ti 51, empleyado iti gobyerno probinsyal ken residente iti nasao a barangay.
Segun kennni Sison, nakigtot ken saan da a ninamnama a pumusay ni IN-C2008 gapo ta asymptomatic met daytoy wenno awan ti sintomas na iti covid-19.
Basar pay iti impormayson a dimmanon iti kagawad, adda ti maysa a rabii a narigatan nga immanges ni IN-C2008 bayat nga adda iti isolation facility.
Inbatad na a basar iti impormasyon da ket na-cremate ti bangkay ni IN-C2008.
Kunana a ni IN-C2008 ket na-exposed iti kabbalay na nga ummunan a nagpositibo iti covid-19.
Mainaig met iti contact tracing kadagiti nakapulapol ni IN-C2008, naka-isolate met ti miembro ti pamilya na ken dimmalanen dagti contact na iti swab test.
