LAOAG CITY – Inlawlawag ni Mayor Albert Chua iti ciudad ti Batac a ti pimmusay a ni IN-C3018, lalaki nga agtawen ti 89 a residente iti Barangay Naguirangan ket naitaray iti ospital idi Hunyo 11.
Segun kenni Chua, daytoy ket gapo iti sinagaba ni IN-C3018 a sakit.
Inbatad na a kas protocol iti kada ospital, dimmalan ni IN-C3018 iti RT-PCR test ken naduktalan a positibo.
Gapo iti daytoy ket nagtalinaed iti ospital ti pasyente agingga a pimmusay idi Lunes.
Naamoan a ti bangkay ti biktima ti dagus a nai-cremate.
Kabayatanna, kuna ni ABC President Joseph Ulit a nakigtot idi naamoan na a natayen ni IN-C3018 gapo ta ti ummuna nga impormasyon na ket nakarekobre daytoyen.
Kunana a a dagiti pito a primary contact ni IN-C3018 ket negatibo ti resulta ti RT-PCR test.
Innayon na a ti pasyente ket saan met a rumrumuar iti pagtaengan da gapo iti kinalakay nan isut gapo na a burburtya pay laeng no sadinno ti nakaalaan na ti covid-19.
