LAOAG CITY – Inbatad ti Provincial Sports Development Office ad-ado dagiti in-kind sponsorship a maipaay iti gobierno probinsyal ken iti Department of Education kas paset ti panagsagsagana iti Palarong Pambansa 2025.
Daytoy ti inpakaammo ni Miss Helen Rose Domingo, ti mangidadaulo iti Provincial Sports Development Office.
Kuna na a maysa nga ar-aramiden da kas panagsagsagana da iti pannakaiyuswat ti Palarong Pambansa ket ti agbiruk ti sponsors da kadwa da ti Department of Education.
Innayon a ti Department of Education ti akin-iggem iti daytoy nga inawagan da ti “Sponsorship and Marketing”.
Immunan nga inrakurak ti gobernador a masapol a saan nga aggastos ti dakkel ti gobierno probinsyal iti maiwayat a Palarong Pambansa babaen ti panagkiddaw ti tulong ti nagduduma nga ahensya, gobierno national, pribado nga indibidual a mayat a tumulong ken dadduma pay.
Kabayatanna, mamati ti gobernador a babaen ti Palarong Pambansa ket maikkan ti gundaway dagiti babassit a negosyante a mangitampok kadagiti produkto da ken nayun metten a revenue ti probinsya.
