LAOAG CITY – Mabalin a sumango iti agingga ti 9 a tawen a pannakaibalud ti maysa nga ina a maipagarop a naglako ti anak na iti internet.
Daytoy ti nagbalin a ballaag ti Department of Justice (DOJ) kalpasan nga adda ti binigbig ti Regional Trial Court (RTC) Branch 94 iti Quezon City a maysa nga akusado nga ina a naglabsing ti Republic Act No. 7610 wenno Special Protection of Children Against Abuse, Exploitation and Discrimination.
Basar iti desisyon ti Korte, ti boluntaryo a guilty plea ti akusado iti nababbaba a kaso, ket napatawan ti pannusa a manipod 4 a tawen, 9 a bolan ken 11 nga aldaw iti prision correctional agingga iti 6 a tawen, 8 a bolan ken 1 nga aldaw ti prision mayor.
Naibilin pay iti akusado nga agbayad ti multa a ₱15,000.
Inpasingked ti Department of Justice nga agtultuloy ti panangitandudo da iti proteksyon dagiti ubbing kontra iti aniaman a klase ti panagabuso ken exploitation.
Immunan nga inpetteng ti Department of Justice a kasapulan a paigetan da ti addang kontra iti online sexual abuse at exploitation of children (OSAEC), a karaman kadagiti prayoridad a nailungalong para iti pannakapapigsa ti linteg iti babaen ti LEDAC agenda.
