LAOAG CITY – Naglikudan ti Religious group nga Iglesia ni Cristo (INC) ti alegasyon a nabayadan ti kada miembro da ti 3 ribo a pisos para iti panagatendar da ti anti-corruption rally.
Inpetteng ti nasao a Religious Group a nakakatkatawa ti alegasyon gapu ta ti kaado dagiti miembro da ket nalidem nga agpabayad da iti nasao a kantidad.
Kuna pay dagiti miembro ti Iglesia ni Cristo nga amangan no isuda pay ti mangipaay ti 3 ribo a pisos kadagiti agiwarwaras ti palso a damag.
Inorganisar ti Iglesia ni Cristo ti tallo nga aldaw a rally a nangrugi idi kalman, Nobyembre 16 agingga intono bigat, Nobyembre 18 iti Quirino Grandstand iti Manila tapno ipanawagan tapno mapagsungbat dagiti adda ti pakainaigan na kadagiti maanomalya a flood control projects iti pagilian.
Iti umuna nga aldaw ti tignay protesta ket immabot iti agarop 650 a ribo a miembro ti Iglesia ni Cristo ti nakipaset, maibasar iti datos ng inparuk-at ti Manila Police District (MPD).
Ibilang met ti Department of the Interior and Local Government ken ti Philippine National Police ti umuna nga aldaw ti rally kas “generally peaceful.”
