LAOAG CITY – Nagyaman ti Iglesia ni Cristo (INC) kadagiti amin a timmulong iti inwayatda a Rally for Transparency and a Better Democracy.
Iti maysa a rakurak, inbatad ti grupo a saanen a kinasapulan pay a dumanon iti tallo nga aldaw ti rally-da gapu iti kinalawa ken kinapaspas ti media coverage.
Inorganisar ti Iglesia ni Cristo ti nasao a tignay protesta tapno idanon ti panawagan para iti nalawag ken husto nga imbestigasion kadagiti anomalya iti flood control projects.
Nagyamanda kadagiti miembro a nagatendar iti Quirino Grandstand sipod pay idi Domingo.
Naminsan manen nga inpetteng ti Iglesia ni Cristo a saanda nga umanamong kadagiti addang a maikanniwas iti Konstitusion.
Maipalagip nga iti panagbitla ni Senadora Imee Marcos ket ditoy nga inbutaktakna dagiti kontrobersial nga akusasion kontra iti first family.
