LAOAG CITY – Pimmusay ti incoming regional director ti World Health Organization iti Tanzania a ni Dr Faustine Ndugulile, sumagmamano a bolan kalpasan a naelektaran para iti nasao a posisyon.
Ni Ndugulile, agtawen ti 55 ken maysa nga agpanpanday linteg ken medical doctor ket pimmusay idiay India kabayatan ti panagpaagas na iti saanen a naidetalye a sakitna.
Maipalagip nga iti Agosto ita a tawen ket naelektaran kas World Health Organization regional head iti Tanzania, kasukat ni Botswana Dr Matshidiso Moeti a nagserbi ti 10 a tawen.
Agasumir koma ni Dr. Ndugulile iti baro a posisyon na intono Pebrero iti sumaruno a tawen.
Kabayatanna, inbatad ni World Health Organization Director-General Tedros Adhanom Ghebreyesus a nakigtot ken maladingitan unay iti pannakatay ni Ndugulile.
Indanun met a dagus ni Tanzanian President Samia Suluhu ti pannakipagladingit na iti pamilya ti pimmusay a doctor.
