LAOAG CITY – Inbatad ni Ombudsman Jesus Crispin Remulla a posible nga addaan laengen ti Independent Commission for Infrastructure (ICI) timaysa wenno dua a bulan sakbay nga ileppas na ti imbestigasyon sakbay da nga ipaima iti opisina na ti resulta mainaig iti anomalya a flood control projects.
Segun kenni Remulla, mabalin nga iti maysa wenno dua a bulan ket mai-turnover kadakuada dagiti trabaho ti Independent Commission for Infrastructure.
Inlawlawag na a daytoy ti direksyon ken saan met kanayon ket adda ti Independent Commission for Infrastructure ken addaan met ti linteg a nangbukel iti Office of the Ombudsman.
Ti rakurak ni Remulla ket kalpasan ti panagikkat ni Commissioner Rogelio “Babes” Singson — maysa nga addang a saanen a surpresa para iti Ombudsman.
Kunana a nabayagen nga ibagbaga kenkuana ni Singson nga agingga laeng iti bulan ti Disyembre ti plano na a panagtalinaed iti komisyon ken ado met dagiti pakakumikoman na iti personal, kasta met a pudno a makabannog ti trabaho na.
