LAOAG CITY – Disiplina ti kangrunaan a kasapulan ita a panawen ti pandemya nangruna kadagiti ado ti kaso na ti covid-19.
Daytoy ti inbatad ni Bombo International News Correspondent Queyl Jamora idiay India.
Segun kenni Jamora, iti kada Sabado ken Domingo ket nakalockdown amin a lugar no sadinno a matiliw amin dagiti rumwar ken dagiti laeng mapalubusan ket dagiti emergency ti ranta na iti ruwar ti pagtaengan kas iti gumatang ti agas.
Inlawlawag na a dagiti kanen da iti nadakamat nga aldaw ket masapol a magatang sakbay ti lockdown.
Mainaig iti daytoy, kunana a no adda ti kumpirmado a kaso ti covid-19 iti kada estado ket mapan alaen dagiti otorisado nga indibidwal ken maipan iti quaratine facility.
Kunana a saan nga agamak dagiti tattao iti lugar nga addaan ti kaso gapo ta naannad dagiti mapan mangala iti pasyente ken dagus a masanitize a naimbag ti lugar.
Kabayatanna, inbatad na nga “open” ti komunikasyon da kadagiti amin a Pilipino ken uray iti embahada.
