LAOAG CITY – Natay ti maysa a crew a lalaki nga agtawen ti 59 nga Indian national kabayatan a nakalugan daytoy iti Hong Kong vessel iti kabaybayan iti paset iti ili ti Pagudpud.
Segun ken ni Mr. Hendrick Pedronan, mangidadaulo ti Municipal Disaster Risk Reduction and Management Office iti ili ti Pagudpud, nakaawatda ti tawag manipud iti Hong Kong vessel nga adda ti maysa nga indibidual a kaduada a saan a nasayaat ti kasasaadna.
Gapu iti daytoy, inbatadna nga insigida a naipatulod ti sea ambulance tapno i-rescue ti nasao a biktima ngem napaay dagitoy.
Inlawlawagna a masapul a makita nga umuna ti Bureau of Quarantine ti bangkay ti biktima sakbay a maisubli iti pagilian daytoy.
Iti agdama, agtultuloy ti maiwaywayat nga imbestigasion dagiti otoridad mainaig iti napasamak.
