LAOAG CITY – Bimmaba iti 6.4% ti inflation rate wenno ti kinaalisto ken kinabayag ti panagngato ti presio dagiti magatang ken serbiso iti pagilian idi naplabas a bulan kadetoy laeng a tawen.
Iti maysa a press briefing, inbatad ni Philippine Statistics Authority (PSA) Chief Under Secretary Claire Dennis Mapa a ti inflation idi Hunio ket nababbaba kumpara iti 6.8% a nai-rekord idi bulan ti Mayo kadetoy a tawen.
Segun kenkuada, ti rason ti panagbaba ti inflation ket gapo iti panagbaba ti presio iti sektor ti transportasion gapo iti nagsasaruno a rollback iti presio ti petrolio bayat iti temporario a panagtalna ti gubat.
Malaksid iti daytoy, nakatulong pay ti dakkel a panagbaba ti inflation ti panaglaka dagiti presio ti makan.
Gapo iti daytoy, nagun-od ti Bangko Sentral ng Pilipinas (BSP) ti targetda a 6.0% agingga 7.0%.
Kabayatanna, ti year-to-date average inflation ti pagilian manipud idi umuna a bulan kadetoy a tawen agingga idi napalabas a bulan ket nagbalinen a 4.8%.
