LAOAG CITY – Inpakaammo ni Gob. Matthew Marcos Manotoc adda ti pakabuklan a 233 ti naapektaran a barangay, adda ti pakabuklan a 16,879 ti naapektaran a pamilia, adda ti pakabuklan a 59,624 ti naapekataran nga indibidual, adda ti pakabuklan a 1281 a partially damaged a pagtaengan idinto nga adda ti pakabuklan a 96 ti totally damaged a pagatengan gapu iti Bagyo Egay.
Kunana nga addan ti 8,304 a food packs ti naibunongen kadagiti umili a naapektaran ti bagyo nga agpapan ita ket agtultuloy pay laeng ti pannakaibunong dagitoy.
Inlawlawagna nga umabot iti 2 billion, 845 million, 660 thousand, 900 pesos iti balor ti perdision iti benneg ti imprastraktura no sadino 300 a ribu a pisos ditoy ket iti Laoag International Airport, 1 billion, 17 million, 603 thousand, 200 pesos kadagiti kalsada ken rangtayiti umuna ken maikadua a distrito ti Department of Public Works and Highways, iti Provincial Road ken Bridges, 71 million, 450 thousand pesos, iti Provincial Buildings, 28 million, 260 thousand pesos ken iti Cities and Municipalities ket umabot iti 1 billion, 728 million, 47 thousand, 700 pesos.
Inpalgakna iti benneg ti agrikultura ket adda ti pakabuklan a 361 million, 39 thousand, 106 pesos and 58 centavos no sadino umabot iti 108 million, 843 thousand, 205 pesos iti pagay, 31 million, 962 thousand, 883 pesos iti mais, 7 million, 990 thousand, 413 pesos iti high value crops, 180 million, 221 thousand, 360 pesos iti agricultural infrastructure idinto nga umabot iti 32 million, 21 thousand, 245 pesos iti livestock and poultry.
Innayon ni Gob. Manotoc a naimaldit ti maikapat a natay kabayatan iti iduduprak ti Bagyo Egay ditoy probinsia no sadino nabigbig daytoy a maysa a mannalon ken taga ili ti Solsona.
Kabayatanna, inpakaammo ni Mr. John Teodoro, General Manager ti Ilocos Norte Water District ken Prime Water nga addan ti 88.08% ti operational pakaseknan iti serbisio ti danum ditoy probinsia.
