LAOAG CITY – Inrakurak ni Presidente Ferdinand Marcos Jr. nga ad-adda nga ipangpangruna dagiti Filipino a makagun-od ti ad-adda a nalaka a kuriente ngem iti paggapuanna daytoy.
Segun iti Presidente nga iti pagdanagan ti publiko mainaig iti nuclear safety ket rumrumuar a mangipaay ti gundaway kadagiti kiddaw ti ad-adda a nalaka a kuriente.
Daytoy ket rakurak ni Marcos kabayatan ti panagsukisok ti administrasion ti nuclear energy kas wagas tapno papigsaen ti energy security ti pagilian ken kissayan ti electricity costs.
Mainaig iti daytoy, binisitana pay ti kontrobersial a mothballed Bataan Nuclear Power Plant (BNPP) nga inpasdek idi panawen ti administrasion daydi amana a ni dati a Presidende Ferdinand Marcos Sr.
Kabayatanna, binisita ni Presidente Marcos ti Singapore Nuclear Research and Safety Institute iti working visit-na idi Oktubre 7 agingga 11 iti Singapore tapno maamoan ti ‘nuclear research, safety and regulation.’
Nupay kasta, pakairamanan iti dadduma pay a nagatendar iti taripnong ket da Aboitiz Equity Ventures President ken Chief Executive Officer Sabin Aboitiz, Ayala Corp. Chair Jaime Augusto Zobel de Ayala, Singapore Nuclear Research and Safety Institute Director Prof. Chung Keng Yeow ken Singapore National Environment Agency Group Director Ang Kok Kiat.
Kadua pay ni Presidente Ferdinand Marcos Jr. iti panagbisitana iti Singapore Nuclear Research and Safety Institute dagiti miembro ti Philippine delegation a da Finance Secretary Frederick Go, Trade Secretary Ma. Cristina Aldeguer-Roque ken Acting Presidential Communications Secretary Dave Gomez.
