LAOAG CITY – Nagkamang ti Dept. of Education ditoy ciudad ti Laoag iti Sang. Panlungsod gapo ta agkurkurang ti 755 a tugaw kadagiti innem a pagadalan.
Segun kenni Konsehal Jaime Fariñas, ti chairman ti Committee on Education, karaman kadagiti pagadalan ket ti Buttong Elementary School nga agkasapulan ti 75 a tugaw; Plaridel Elementray School nga agkurang ti 60 a tugaw; Shamrock Elementary School ket 200 a tugaw.
Karaman pay ti Balacad Elementary School ken iti Lagui-Sail nga agkasapulan ti sag-25 a tugaw, Ilocos Norte College of Arts and Trades ket 350 a tugaw.
Inbatad na a ngsurat ti Dept. of Education iti Regional ken National Office tapno agkiddaw ti nayun a tugaw ngem posible a mabayagan.
Kabayatanna, kwinestyunaran met ni Vice Mayor Carlos Fariñas no apay nga ita laeng ti panangipakammo ti Dept. of Education nga agkurkurang ti tugaw dagiti nasao a pagadalan imbes nga idi kuma pay laeng manarimaan ti Brigada Eskwela a kastoy ti sitwasyon ken naipaayan ti importansya.
