LAOAG CITY – Kinumpirmaran ni Barangay Chairman Ronald Tagguig iti Brgy. Teppang iti ili ti Bacarra nga innem a pagtaengan ken maysa a simbaan ti naapektaran ti lockdown iti nasao a barangay.
Daytoy ket kalpasan a nagpositibo ti maysa a kabaranggayanda a ni INC731, babai, agtawen ti 29, Nurse, residente iti Brgy. 12 ngem agdama nga agnanaed iti Sitio 7 Brgy. Teppang.
Segun kenni Tagguig, agarup 21 dagiti close contact ti pasyente ken manamnama a maipadalan dagitoy iti swab test intono Biyernes.
Inbatadna a karaman a nailockdown tket Crusaders of the Divine Church of Christ agsipod ta nakapulapol ti pasyente ti padi iti nasao a simbaan.
Nagkiddaw ti kapitan iti naan-anay a panangawat dagiti residente sitwasyon ti nasao a lugar.
