LAOAG CITY – Naipilan ti reklamo a panaglabsing ti Presidential Decree 1602 wenno illegal a panagsusugal kontra kadagiti innem a tattao a natiliw iti Barangay 12, Sta. Filomena, Bacarra, Ilocos Norte.
Nabigbig dagiti suspek a da Winie Fred Dahilig y Oasay, 38; John Michael Queja, 25; Lucky Kenneth Dumlao, 21;John Michael Antonio y Donato, 27, agpapada dagitoy a residente iti ili ti Bacarra.
Karaman pay a natiliw ni Lester Jerry Domingo y Galiza, agtawen ti 36, agtagikua ti tianggi a nagsusugalan dagiti maseknan, ken ni Francis Jan Acoba y Cadiz, agtawen ti 25, nga agbuybuya laeng kadagiti nagsusugal.
Segun ken ni Police Major Rommel Ramos, ti chief of police iti ili ti Bacarra, nakumpiskar da iti lugar ti 2,463 a pisos ken dagiti inusar dagiti suspek a nagsusugal.
