LAOAG CITY – Kinumpirmaran ti United Nations agency for Palestinian refugees (Unrwa) nga innem kadagiti empleado da ti natay iti inpabanto nga airstrike ti Israel a pinuntirya na ti pagadalan iti central Gaza.
Segun iti Gaza’s Hamas-run Civil Defense agency nga adda ti pakabuklan a 18 a tattao ti natay iti airstrike a timmama iti al-Jaouni school iti Nuseirat refugee camp a pagnanaedan dagiti rinibo a displaced Palestinians.
Immunan nga inkalintegan ti Israeli Military nga inaramid da ti umiso laeng nga strike kontra kadagiti terorista nga agplanplano kadagiti panagraot manipo iti pagadalan, ken ti nagbalin nga addang da ket gagem na a maliklikan ti pannakadangran dagiti sibilyan.
Kabayatanna, kinondenar ni United Nations Secretary General António Guterres ti inyuswat nga airstrike ti Israel a nakairamramanan ti sumagmamano nga empleado da.
