LAOAG CITY – Naragsak nga inpakaammo ni Assistant Official Warden Edietor Guiang iti Ilocos Norte Police Provincial Jail, a manarimaanen ti Technical Education and Skills Development Authority course dagiti persons deprive of liberty wenno dagiti balud iti nadakamat a pagbaludan.
Segun kenkuana, a babaen iti Technical Education and Skills Development Authority ket adadalen dagiti balud ti kurso a Bread and Pastry Production NC II, ken ti agrikultura kas iti panagmula ti nateng ken pagay.
Kinunana a napintas daytoy a wagas para kadagiti balud tapnu inton makarruardan iti pagbaludan ket adda ti namnamaenda a pagtrabahoan ditoy probinsia.
Mainaig iti daytoy, maipaayan dagiti persons deprived of liberty ti equipments tapnu adda ti nayon nga usarenda inton makaruarda iti pagbaludan.
Kabayatanna, adda ti maipaay kadagiti balud a sertipakasion a NC II nga agturpos iti Technical Education and Skills Development Authority course.
