LAOAG CITY – Inpakammo ni Jail Warden Edietor Guiang iti Ilocos Norte Provincial Jail a nanayunan ti maysa a nurse iti pasilidad kalpasan nga inaprubaran ti gobierno probinsyal ti kiddaw na.
Daytoy ket tapno naan-anay ti health assistance dagiti balud iti nasao a pasilidad.
Segun kenkuana, malaksid iti daytoy ket adda pay dagiti agas nga ipaay ti Provincial Health Office no kasapulan dagitoy.
Inbatad na a gapo iti daytoy ket dagus a mataming dagiti balod no adda man ti madi a marikrina da iti bagbagi da.
Kabayatanna, nangiyuswat ti Human Rights Commission ti inspeksyon ken maysa ti Ilocos Norte Provincial Jail a napadayawan gapo ta napintas ti kasasaad ken salun-at dagiti Persons Deprived of Liberty.
